استمعت نيابة المقطم والخليفة الجزئية، لأقوال السيدة أمينة المتهمة الثانية في القضية رقم 6904 لسنة 2024 جنح الخليفة،بشأن العثور على سحر في مقابر الإمام الشافعي للاعب مؤمن زكريا.

العثور على سحر في مقابر الإمام الشافعي 

وكشفت تحقيقات النيابة أنه بفحص الهاتف المحمول الخاص بالمتهمة تبين وجود محادثات بينها وبين المتهم عباس رمضان نجل التربي على الواتس آب على رقم هاتفه، وهناك محادثات قبل ميعاد العثور على السحر بها الصورة المزعوم العثور عليها وبها سحر مدفون ورد عليها المدعو عباس رمضا هيجلك نطبعهم.

وقالت المتهمة : «اللي حصل أن رمضان ابن خالي تربي في مقابر سيدي عقبة من فترة لقى أعمال سحر وكان تقريبا يوم 14 أو 15 سبتمبر في ترب هو مشرف عليها وكانت خاصة بالكابتن مجدي عبد الغني وبعدها كابتن مؤمن زكريا جه هو وشيوخ وفكوا الأعمال ديه وبعدها رمضان حكى الموضوع لصيدلي أسمه محمد زغلول والموضوع ساعتها انتشر في المنطقة وبعد كده بسمه أخت رمضان بعتت لمحمد مدير اعمال المذيعة ريهام سعيد وحكيت لها على الموضوع بتاع الأعمال بتاع مؤمن زكريا».

وتابعت : «قالتلها أنا ممكن أطلع مع المذيعة ريهام سعيد وأحكي الموضوع بتاع كابتن مؤمن زكريا مقابل أني أخد 100 ألف جنيه بعدين يوم السبت اللي فات كنت قاعدة أنا وبسمة لقينا تليفون بسمة بيرن ردت ولقت رمضان أخوها بيقولها أنه الحكومة اخدته وانهم بيدوروا علينا ساعتها أنا وبسمة اتصلنا بمحمد عمر وحكيم ورحنا على مدينة الإنتاج الإعلامي وبعدين رحنا القسم يوم السبت الساعة 11 ونص بالليل واتعرضنا على النيابة وهو ده اللي حصل».