طلب الرئيس السيسي، من الفريق مهندس كامل الوزير، العودة للحديث عم لوحة 99 / 127 التي تضم جداول التكلفة المالية لبعض المنتجات المستوردة خلال 10 سنوات ماضية وبشكل سنوي، معلقا: قصدت أجيب اللوحة دي علشان الناس تنتبه معانا".

ووجه الرئيس السيسي، خلال كلمته بافتتاح محطة قطارات صعيد مصر ببشتيل، قائلا: "يا أهل الصناعة يا مستثمرين يا رجال الأعمال يا اللي شغالين في البنوك والاستثمار اللى قدامكم عبارة عن فرص عمل ليكم لأن كل منتج من ده دفعناه بالدولار علشان نجيبه لمصر".

وتابع الرئيس: بنجيب بـ 9 مليارات دولار تليفونات محمول ومنتجات أدوية بعضها يمكن ماتقدرش تعمله لكن يا ترى كل الأدوية ماتقدرش تعملها؟".

واستطرد: "عندنا أهم حاجة الناس بتستسهل بدل ما يجيب الكلام ده ويعمله في مصر ويدخل في متاهات مع أرض وتمويل ونقل تكنولوجيا من الخارج علشان ينتج اللى بنقول عليه ده، يقولك اشتريه من الخارج أسهل والدولة محاولتش تشتغل بجدية وصرامة".

واستطمل: "لما تيجي على بند 16 في الجدول بنستورد عطور ومزيلات عرق وورق تواليت 440 مليون دولار، مستحضرات تجميل بـ 500 مليوم دولار، شيكولاته 400 مليون دولار وبتلومني وتقولوا الدولار غلي ليه؟".