استمعت نيابة المقطم والخليفة الجزئية؛ لأقوال المتهم حكيم رمضان، نجل التربي، في القضية رقم 6904 لسنة 2024 جنح الخليفة، بشأن فبركة واقعة العثور على سحر لـ مؤمن زكريا، لاعب نادي الأهلي السابق.

فبركة سحر مؤمن زكريا

وأنكر المتهم ما هو منسوب إليك من إذاعة أخبار وشائعات كاذبة عمدًا وقال : « اللي حصل أنه كان نايم في البيت فوق ولاقيت أخويا الصغير بيصحيني من النوم وبيقولي إن مؤمن زكريا تحت ومعاه اثنين شيوخ، وبيقول أنه معموله عمل ولما  نزلت تحت لاقيت إنهم كانوا ماسكين عروسة لعبة والشيوخ كانت عمالة تقرأ قرآن وترش ميه بملح».

وتابع: «وبعدها قعدوا حوالي نص ساعة ومشيوا هما كلهم وانا طلعت فوق تاني وتاني يوم روحت الشغل عادي في المقطم ولما روحت البيت لاقيت أبويا اتقبض عليه فروحت قعدت عند خالتي في المقطم؛ ولم عرفت أنهم قبضوا على أبويا وأهلي وأنا كنت نازل عند البيت لاقيت ضابط ومعاه ثلاثة أمناء شرطة وقفوني وسألوني عن موضوع مؤمن زكريا، وأنا قلتله أنا معملتش حاجة وحكيتله على كل اللي حصل وبعد كده راح أخدني وركبني ميكروباص وطلعنا على قسم الخليفة وفي القسم طلعت وحدة المباحث وفضلت قاعد في المباحث لحد انهارده وبعد كده لقيتهم نزلوني الحجز وانهارده جابوني على النيابة وهو ده كل اللي حصل».