أصدر حسين الشحات، لاعب الفريق الكروي الأول بالنادي الأهلي، اليوم الخميس، بيانًا رسميًا، لدعم أحمد فتوح، لاعب الزمالك في أزمته الأخيرة.

وأكد حسين الشحات، في بيان نشره عبر حسابه الرسمي على موقع التواصل الاجتماعي "فيس بوك": "بسم الله الرحمن الرحيم والصلاة والسلام على رسول الله، {واتَّقُوا يَوْمًا تُرْجَعُونَ فِيهِ إِلَى اللهِ ثُمَّ تُوَفَّى كُلُّ نَفْسٍ مَّا كَسَبَتْ وَهُمْ لاَ يُظْلَمُونَ}".

وأكمل: "أنا عايز اتكلم في موضوع كلنا بقينا بنتكلم فيه بس محدش حساس بحاجه الموت بقا قريب مننا كلنا وناس كتير بقت تموت من كتر الضغط النفسي وشوفنا أخونا وصاحبنا أحمد رفعت ربنا يرحمه يارب، وشوفنا الأب الروحي إيهاب جلال، ربنا يرحمه يارب".

واسترسل: "أنا كنت من فتره قريبا لـ مشكلتي مع الشيبي وكان عليه ضغط ربنا وحده إلا كان عالم بيا وطلعت واعتزرت، ودلوقتي مش عايزين نوصل موضوع أخويا أحمد فتوح لكده ونرجع نقول بعد كده ياريت كنا خفينا عليه فتوح غلط".

وأضاف: "قال أنا غلط مش لازم نتكلم ونقول لا أنت غلطان ونضغط عليه أي راجل لما بيتطلع يعتذر ويقول أنا غلط سامحوني أولادي حاجه كبيره جدا عند ربنا والراجل طلع وقال أنا غلطان وعايز يروح لأهل الميت ربنا يرحمه يارب ويصبر أهله وأولاده يارب، مش كل شويه نطلع ونقول حسين أنت شتمت حسين أنت غلط".

وتابع: "نفس الكلام فتوح مش كل شويه نطلع ونقول أنت غلطان أدعي لـ فتوح ربنا يهديه ويسامحه ادعي لـ حسين ادعي لـ أي إنسان بيغلط، كل بني آدم خطاء وخير الخطائين التوابون، ربنا يهدينا جميعا ويسامح الجميع يارب، الدنيا مش مستاهله".

وذكر: "واتقوا يوما ترجعون فيه إلى الله ثم توفى كل نفس ما كسبت وهم لا يظلمون ترقبوا وخافوا يوما يردكم الله سبحانه وتعالى إليه فلا تملكون من أموركم شيئا فيه ) .. فما ظَنّكُم بِرَبّ العَالمِين".

وأتم: "اللهمّ إنّا نظن بك غفراناً وعفواً... وتوفيقاً ونصراً.. وثباتاً وتيسيراً.. وسعادةً ورزقا.. وشفاءً وحُسْنَ خاتمة..وتوبةً نصوحاً وعتقاً من النار..فهْب لنا مزيداً من فضلكَ.. يا واسِع الفضل والعطاء.. اللهم فرج كرب المكروبين واقض حاجات السائلين وتب على العصاة والمذنبين من أمة محمد اجمعين يارب العالمين قولوا آمين".